Opinión en Galicia

Se cada autonomía do Estado español funcionase de xeito independiente no que se refire ós seus propios ingresos, habería comunidades con superavit e outras con fortísimo déficit. Para eso existe un fondo de compensación interterritorial que permite nivelar as diversas situacións individuais, subvencionando determinadas comunidades entre as que Galicia é das máis beneficiadas.

A media de recaudación fiscal das autonomías españolas está en algo máis do sesenta e seis por cento, chegando Baleares ó 110, Madrid ó 101,4 e Cataluña ó 83,3%. Galicia só cubre o 50,1% tendo só por detrás a Extremadura e Canarias co 37 e 29% respectivamente.

Diante desta situación, Galicia recibiu sustanciosas axudas do Estado durante o ano 2007 do chamado fondo de Solidariedade, só superadas por Andalucía, comunidade que recibe a maior aportación dentro do Estado.

Vaise estudiar agora o novo modelo de financiación autonómica, que debe ser clarificador en canto á recepción de fondos, debe seguir sendo solidario para apoiar o desenvolvemente das comunidades que menos teñen, e debe primar determinados factores como o envellecemento da poboación ou os milleiros de núcleos rurais ós que tan difícil resulta facilitar os servicios básicos.

Galicia recibe apoio do resto das comunidades, está subvencionada porque o precisa, e seguirá precisando desas subvencións durante moito tempo ata que a balanza fiscal rexistre resultados moito mellores.

A estes efectos, Galicia ten ó seu lado Asturias e Extremadura, en similar situación. Agardemos que a situación, a subvención, se manteña en tanto en tanto precisemos axuda para sair do noso subdesenvolvemento, que ten na recadación dos nosos impostos un dos máis claros expoñentes.