Opinión en Galicia

Hai uns días, no peche dunha obra, vin unha consigna que chamou a miña atención: “Viva Galiza ceive”(sic.), e veume á memoria a historia do lucense detido hai algo máis de corenta anos, por pegar nos escaparates da Avenida da Coruña pegatinas co texto “Viva Galicia ceibe e socialista”.

Gracias ós bos oficios dun destacado político e avogado lucense, a cousa non foi a maiores. Aínda así, a prohibición de acceso á Universidade, condicionou toda a súa vida.
Entón, Franco aínda forte, dar vivas a Galicia ceibe e socialista, era subversivo, delictivo, traición.

Pasaron catro décadas. Galicia é socialista, ou alomenos o é o presidente do seu goberno, e boa parte dos alcaldes dos concellos. ¿Esta é a Galicia socialista coa que soñaban aqueles ilusionados loitadores contra o franquismo?. Galicia é ceibe de moitas ataduras, ten goberno de seu, é dona de si para moitas decisións. ¿É esta a liberdade soñada?.

Posiblemente alguén con anos e experiencia para xulgar na distancia podería dicir coma Ortega, “Non é esto; non é esto”. E sen embargo esta era a reivindicación.

A pintada de hai uns días, non di nada de Galicia Socialista. Só reivindica “Galicia ceive”. O que fixo a pintada parece considerar que o resto xa está conseguido.

Eu non quixera estar na pel do loitador de outrora, por se este non era o seu soño. O das pintadas de hoxe, un pinzo, que nin sabe o que quere nin como se escribe.