inicio |
servicios |
opinión |
recetas |
santoral |
especiales |
sugerencias |
webmail |
promociones
José Ramón Gómez Besteiro, presidente da Deputación Provincial de Lugo, e José Luis Méndez López, director xeral de Caixa Galicia, asinaron un convenio de colaboración para a posta en marcha do Plan Estratéxico provincial.
Segundo o texto asinado, o Centro de Investigación Económica e Financeira da Fundación Caixa Galicia (CIEF), un dos organismos de maior prestixio do Estado, será o encargado de preparar esta ferramenta, “unha precisa radiografía da situación da provincia de Lugo, un diagnóstico que poña de manifesto razoadamente as súas fortalezas, debilidades, ameazas e oportunidades, así como os posibles tratamentos para mellorar e potenciar a saúde socioeconómica de todos os lucenses”.
O presidente da Deputación de Lugo destacou “que esta provincia precisaba dun plan estratéxico como este, serio e ambicioso, porque a Lugo non lle sobra tempo. Temos case catro anos para remontar o tempo perdido e hoxe, entre todos, cumprimos un dos compromisos adquiridos no meu discurso de investidura e que marcará un antes e un despois no desenvolvemento provincial”.
Gómez Besteiro fixo fincapé en que despois de saldar débedas históricas da Deputación, chegou o momento de construír: “Na primeira etapa deste equipo de goberno estivemos cicatrizando feridas que había abertas, tendendo pontes que non estaban feitas. Agora trátase de construír cousas pensando claramente no futuro e unha delas é isto: o Plan Estratéxico. Para nós é un obxectivo prioritario, por iso facémolo da man de quen sabe facelo porque non queremos perder tempo”.
O director xeral subliñou que “queremos contribuir a la elaboración del Plan Estratégico para abordar de forma conjunta con todos los agentes sociales un foro que permita reflexionar sobre las debilidades y fortalezas que se observan en la provincia. Con una meta: transformar a la provincia en un territorio mejor articulado y más eficiente que permita mejorar la calidad de vida de sus ciudadanos”.
A necesidade da realización dun Plan Estratéxico que analice a realidade actual da provincia -e que despois indique as medidas máis axeitadas para potenciar o seu desenvolvemento- xurdiu doutra iniciativa na que participan a Deputación e Caixa Galicia, o Foro Prolugo, no que tamén toman parte a Universidade de Santiago, o Concello, a Federación de Comercio, a Confederación de Empresarios, a Cámara de Comercio, a Fundación CEL e sindicatos.
Dende este foro constatouse a necesidade de promover a análise, a reflexión e o intercambio de experiencias, opinións e coñecementos sobre a situación da provincia, unha demanda que pretende solucionar este Plan Estratéxico.
O Plan Estratéxico de Lugo, que abranguerá o período 2008 – 2013, baséase no compromiso e cooperación pública e privada dos principais axentes económicos e sociais da provincia, e a participación e colaboración cidadá na construción dun futuro de progreso para os municipios lucenses.
Doutra banda, segundo a información achegada polas institucións promotoras, o orzamento para elaborar esta ferramenta cífrase en 240.000 euros durante os anos 2008 e 2009, a razón de, aproximadamente, 168.000 euros neste ano e 72.000 euros no seguinte.
Bajo el título Voluntarios de Argentina en la Guerra Civil Española se presentó un libro en el Museo de la Emigración Gallega en Buenos Aires en el que se recogen historias de voluntarios que se enrolaron en el ejército republicano y en las brigadas internacionales durante la contienda española.
