inicio |
servicios |
opinión |
recetas |
santoral |
especiales |
sugerencias |
webmail |
promociones
A tecnoloxía non é a responsable de acabar coas culturas minoritarias, senón que será a que as potencie. Esta é unha das mensaxes que se extraen das investigacións da presidenta da Federación Latinoamericana de Facultades de Comunicación social (Felafacs), a peruana Teresa Quiroz, que estará presente no congreso I+C “Investigar a comunicación” que terá lugar os vindeiros 30 e 31 de xaneiro e 1 de febreiro na Facultade de Ciencias da Comunicación da Universidade de Santiago de Compostela.
Na opinión da experta, a “tecnoloxía e o seu uso non borra as culturas de orixen, senón que reforza aínda máis os lazos locais”. Esta é unha das conclusións ás que Quiroz chegou nas súas investigacións con mozos e nenos, que serán publicadas en maio de 2008. Este traballo é a continuación do seu libro “Jóvenes e Internet. Entre el pensar y el sentir” no que estudaba as costumes dos mozos á hora de usar a rede, canle que configura unha nova “cultura dos mozos” cunha linguaxe propia, grazas a posibilidade de ter un contacto constante.
En Galicia, na actualidade, son os mozos de 15 a 19 anos os que máis se conectan a Internet en todas as provincias galegas, segundo os datos do Instituto Galego de Estatística (IGE), seguidos de preto polo grupo de idade de 20 a 29 anos. Mentres, o cas nove de cada dez rapaces novos posúe un teléfono móvil para o seu uso propio e un 21% dunha conexión a Internet.
Precisamente, as novas tecnoloxías e a sociedade da información serán algúns dos temas que se desenvolverán na primeiro congreso da Asociación Española de Investigación na Comunicación. Trátase dun evento de caracter internacional que reunirá a estudosos da comunicación como o arxentino Nestor García Canclini, quen pronunciará a conferencia inaugural ademáis de Raúl Trejo, Tapio Varis, Erick Torrico, Margarita Ledo ou Mariano Cebrián Herreros.
A relación entre investigación en comunicación e democracia, as políticas de comunicación e cultura, a sociedade da información e as novas tecnoloxías, a creatividade e a producción de contidos son os eixos do congreso I+C Investigar la Comunicación.
Neste momento son xa unhas catrocentas persoas as que se inscribiron a este evento académico que ata o 28 de decembro ofrece a posibilidade dunha matrícula reducida.
Bajo el título Voluntarios de Argentina en la Guerra Civil Española se presentó un libro en el Museo de la Emigración Gallega en Buenos Aires en el que se recogen historias de voluntarios que se enrolaron en el ejército republicano y en las brigadas internacionales durante la contienda española.
