inicio |
servicios |
opinión |
recetas |
santoral |
especiales |
sugerencias |
webmail |
promociones
O director xeral de Turismo da Consellaría de Innovación e Industria, Rubén Lois González, presidiu no Paraninfo da Facultade de Xeografía e Historia da Universidade de Santiago de Compostela a presentación de dúas monografías sobre o sector turístico galego. María Elisa Alén e Marion Sparrer escribiron sendas obras co obxectivo de aportar unha visión completa e detallada de aspectos puntuais do sector turístico de Galiza.
Alén ven de estudar na súa publicación a calidade do servizo en establecementos termais de Galicia. María Elisa Alén González é profesora da área de Comercialización e Investigación de Mercados na Universidade de Vigo. Foi coordinadora do Máster en Organización e Dirección Turística durante seis anos. Ten presentado comunicacións a congresos nacionais e internacionais sobre turismo de saúde, sendo esta a súa principal liña de investigación. Segundo explica Alén, as actividades relacionadas co sector turístico son actualmente un factor determinante para a xeración de emprego e contribúen a mellorar o balance económico no eido internacional. Alén estudou, xa que logo, a importancia do sector turístico no turismo en xeral e na economía nacional e explica na súa monografía a introducción da calidade de servizo como estratexia de mercado e como elemento diferenciador.
A investigación sobre o turismo rural
Coa súa obra, a profesora Alén pretende contribuír á formación dos profesionais e dos estudosos interesados na calidade de servizo de cara a conseguir melloras visibles nos establecementos. Do mesmo xeito, a investigación servirá para facer unha radiografía do sector na actualidade e como ferramenta de futuros estudos sobre o tema.
Doutra parte, a doutora alemana Marion Sparrer ven de investigar o turismo no espazo rural tanto no Estado como en Alemaña. Sparrer é licenciada en Xeografía pola Georg-August-Universidade de Göttingen e dende o ano 99 exerce como profesora da Escola Universitaria de Turismo da Coruña. Na súa monografía que hoxe se presentou aborda o turismo rural como fórmula de dinamización das economías locais e rexionais e como solución á crise que afecta ao medio rural dende hai décadas.
No estudo, Sparrer intenta descubrir se o turismo rural se produce como un fenómeno integrador da poboación na que se inserta ou como un fenómeno illado que utiliza o rural como espazo de implantación. A doutora analiza tamén a repercusión no espazo rural do turismo que se desenvolve nel. Para levar adiante este estudo, Marion Sparrer establece unha comparativa entre o turismo rural na provincia da Coruña e o agroturismo no Landkreis Wittmund de Frisia do Este.
Con la intención de que la futura normativa se adapte a las "necesidades" del sector e incluya "alternativas viables" para paliar las consecuencias de la actual situación de crisis económica, el PPdeG enmienda la Ley de Turismo en su totalidad. Denuncia que el texto legislativo propuesto por la Xunta no tiene en cuenta elementos "imprescindibles para la consolidación de Galicia como destino turístico".
El XIII Festival de Cine de Ourense levanta el telón con una gala inaugural que supondrá el arranque para la proyección de 300 filmes y la celebración de actividades centralizadas este año en el Auditorio Municipal de la capital de As Burgas hasta el 18 de octubre.
